Mësohet se katër persona kanë rezultuar pozitiv me COVID-19 në Krujë.
Burime bëjnë me dije se tre prej tyre janë punonjës të një fasonerie në këtë qytet, ndërsa i katërti është djali i një prej punonjëseve të infektuara.
Bashkë me këto raste, shkon në 11 raste në total me COVID-19 në Krujë, pasi mesditën e djeshme autoritetet konfirmuan 7 raste.
Në Krujë është mbyllur edhe tregu i fruta-perimeve, duke parë që aty nuk mbahej radhë dhe kishte grumbullimr masive.
Në rang kombëtar, në vendin tonë janë konfirmuar 518 raste gjithësej me COVID-19.
