Britania e Madhe shtyn masat e marra prej emergjencës së koronavirusit edhe tre javë të tjera. Ky vendim u mor pas konsultimit të komitetit teknik dhe u deklarua nga ministri i Jashtëm Dominic Raab, i cili po zëvendëson Kryeministrin Boris Johnson, i cili ndodhet në fazë rikuperimi.
Raab deklaroi se asnjë nga masat në fuqi nuk do të hiqet për momentin, për të mos u nxituar. Sipas tij një nxitim në heqjen e masave mund të jetë i rrezikshëm dhe i parakohshëm.
Deri më tani në Britaninë e Madhe numri i viktimave nga Covid-19 ka shkuar në 13.729, ndërsa i të infektuarve në 103.903.
