Kryeministri Edi Rama foli për mundësinë e hapjes së lëvizjes në një kohë të afërt.
Ai tha se kush shkel Kodin në momentin që do të hapemi është shumë më i rrezikshëm sesa sot. Rama tha se ka skenarin e hapjes dhe janë tre kategoritë e para që do të lejohen të hapen, ata me rriskt të ulët, të mesëm dhe të lartë.
Tek ata me rrisk të ulët si shitjet me pakicë në dyqanet e specializuara, aktiviteti i taksive dhe tregti të tjera është fasha e parë që duhet t’a hapim në ditët në vijim.
Tek ata me rrisk të mesëm Rama tha se do të jenë edhe transporti urban. Ndërkohë me rrezik të lartë janë bizneset estetike. Ky tha Rama është një debat. Te rreziku i lartë tha ai hyjnë dhe restorantet, aktivitetet e argëtimit si dhe arsimi, aktivitetet sportive, palestrat, transporti ndërurban. Rama tha se kategoria e rrezikshmërisë së lartë do të jetë më larg, por do t’i referohemi austrisë.
Është shumë e rëndësishme tha Rama që të hyj në fuqi Kodi i ri penal dhe nuk do të bëhet numra me njerëzit.
Rama tha se java e ardhshme do të jetë javë përgatitore dhe do t’u thuhet bizneseve se çfarë pritet prej tyre. Më tej ai tha se do të jenë shumë të qartë protokollet e sigurisë dhe kontrolli do të mund të bëhet mbi disa kritere objektive
