Pas përfundimit të mbledhjes së Këshillit të Sigurisë Kombëtare ka reaguar dhe Kryetari I Partisë Demokratike Lulzim Basha. Ai thotë se në këtë mbledhje ka detajuar disa nga problematikat dhe nevojat kryesore që kanë qytetarët në këtë situatë pandemie. Një nga adresimet e Bashës ka qenë edhe kërkesa për rritjen e numrit të testimeve si dhe mbështetja e biznesit
Deklarata
Në mbledhjen e KSK detajova arsyet, nevojën dhe përfitimet që kanë qytetarët nga rritja e testimeve, si dhe i kërkova qeverisë mbështetjen për familjet në nevojë dhe bizneset në këto kohë të vështira. Njerëzit duan garanci për jetën, shëndetin dhe mirëqenien e tyre. Ky është angazhimi im dhe i opozitës. Gjithë energjitë dhe resurset e qeverisë duhet të shkojnë për të lehtësuar krizën dhe jo për sulme politike, sepse sot shqiptarët e papunë dhe në vështirësi ekonomike, kanë nevojë për mbështetje të menjëhershme. #ditemetemira
