Turqia kapërceu sot pragun e 100 të vdekurve në 24 orë në lidhje me koronavirusin e ri, sipas shifrave të shpallura nga ministri i Shëndetësisë, Fahrettin Koca, i cili tha se, megjithatë, përhapja e pandemisë ishte duke u ngadalësuar.
“107 persona me COVID-19 kanë vdekur gjatë 24-orëshit të fundit dhe janë regjistruar 4 062 raste të reja”, tha Koca.
Vdekjet e reja e kanë çuar totalin e përgjithshëm në 1 403 në lidhje me pandeminë, ndërsa rastet e infektimit në gjithsej 65 111.
“Ne kemi arritur të ngadalësojmë shkallën e përhapjes së sëmundjes. Të dhënat tregojnë se Turqia duhet ta kapërcejë këtë pandemi me humbjet më të vogla të mundshme”, shtoi ministri.
