Papa Françesku u ka dhënë disa mesazhe të rinjve, por jo vetëm. Në kishën Santa Marta në Vatikan ka ftuar të gjithë të komunikojmë më shumë me njëri-tjetrin për të luftuar kulturën e indiferencës që na rrethon.
“Në tryezë, në familje, sa herë hamë, jemi duke parë televizor apo duke shkruar mesazhe në celular. Çdo njeri në atë tryezë është indiferent ndaj atij takimi. Kështu, edhe në bërthamën e shoqërisë, që është familja, nuk ka takim. Na ndihmoftë Zoti të punojmë për kulturën e takimit, thjesht, ashtu siç bëri Jezusi. Jo vetëm të shohim: të vështrojmë mirë. Jo vetëm të dëgjojmë: t’i hapim mirë veshët. Jo vetëm t’i hasim njerëzit në rrugë: të ndalemi. Jo vetëm të themi ‘sa keq, të shkretët’, por të lëvizim me dhembshuri. E pastaj të afrohemi, të prekim me dorë e të themi në gjuhën, që secili e përdor në ato çaste, në gjuhën e zemrës: ‘Mos qaj’ e të japim të paktën një pikëz jete”, është shprehur Ati i Shenjtë.
