Ylli i Dortmund, Jadon Sancho është njëri nga lojtarët më të kërkuar nga gjigantët evropian.
Anglezi, prej kohësh kërkohet nga Manchester United që gjatë merkatos së verës, pritet të bëjnë një ofertë serioze në drejtim të Borussias së Dortmund-it.
Zërat për një kalim në “Old Trafford”, duket se i ka ndezur vetë 20-vjeçari, i cili në një video live, në një mënyrë e ka “konfirmuar” transferimin e tij tek United.
Një tifoz i ka shkruar Sanchos në koment “Pi ujë tani nëse do të transferohesh në Manchester United’. Pasi e ka lexuar komentin, Sancho është menduar disa sekonda dhe ka marrë një shishe ujë dhe e ka pirë.
Ende nuk ka asgjë të zyrtarizuar por kalimi i Sanchos në Manchester United çdo ditë e më shumë po duket real.
