Është arrestuar dhe autori i dytë i plagosjes me thikë të dy vëllezërve A.SH 25 vjeç dhe A.Sh 22 vjeç, banues në Burrel. Ngjarje kjo e ndodhur më 4 janar të këtij viti.
Pas tre muajsh, në pranga është vënë shtetasi L. L., 26 vjeç, banues në Burrel.
“Ky shtetas në bashkëpunim me shtetasin A.N, (i arrestuar ditën e ngjarjes), dhe shtetasin e shpallur në kërkim XH.M , pas një konfliktit për motive të dobëta, në rrugën ”Kuvendi i Dukagjinit”, Burrel, kanë plagosur me thikë dy vëllezërit A.SH 25 vjeç dhe A.Sh 22 vjeç, banues në Burrel.” – thuhet në njoftimin e policisë.
Materialet proceduriale i kaluan Prokurorisë Rrethit Gjyqësor Mat për veprat penale të “Vrasje me dashje” mbetur në tentative, kryer në bashkëpunim, “Përkrahja e autorit të krimit”.
