KOPENHAGEN,Ministrja daneze e Imigracionit, Inger Stojberg, i kërkoi sot imamëve të vendit të saj që të nxisin barazinë mashkull-femër, pas publikimit të imazheve me kamera të fshehur ku disa fetarë justifikonin pabarazinë.
“Në ligjin danez ne kemi barazinë mashkull-femër dhe nuk ka debat mbi këtë”, deklaroi Stojberg për agjencinë e lajmeve Ritzau, anëtare e një qeverie të qendrës së djathtë që synon një mbyllje më të madhe ndaj islamit radikal.
“Në të kundërt ne mund të konstatojmë se në disa xhami predikohet kundër barazisë. Këtë nuk mund ta kemi në Danimarkë”, vazhdoi ajo.
Debati mbi vendin e islamit në Danimarkë ka përfshirë jetën politike dhe sociale që prej reagimeve të dhunshme ndaj publikimeve të karikaturave të Muhametit nga revista “Jyllands Posten” në vitin 2015.
