Të konsumosh fruta dhe perime do të thotë të rrisësh shumë mundësitë e dobësimit dhe të largosh rrezikun e diabetit dhe sëmundjeve të zemrës.
Por, ka raste që nuk presim dot vaktin, sidomos kur ky vakt është më shumë se një orë larg. Vetëm një mollë nuk ju mban dot. Pikërisht për raste të tilla mund të konsumoni produkte të tjera përveç frutave e perimeve. Provoni produktet e mëposhtme dhe hiqni dorë përfundimisht nga çokollatat.
Stika
Arrat, bajamet dhe lajthitë janë shumë të mira për t’u ngrënë mes vakteve, pasi kanë proteina dhe yndyrna të shëndetshme. Kjo bën që t’ju ngopin. Po stikat? Stikat kanë edhe më pak kalori, kështu që mund të hani pak më shumë në krahasim me arrat.
Ullinj
Ullinjtë janë të mirë për ato raste kur darka do të vijë pas 15-20 minutash, por juve ju duhet diçka në stomak menjëherë. Janë shumë të shijshëm dhe yndyra e tyre do ju bëjë që ta shtyni edhe disa minuta. 5 kokrra ullinj kanë vetëm 20 kalori.
Çokollatë e zezë
Nëse doni të hani patjetër diçka të ëmbël, më e mira është çokollata e zezë. Mjaftojnë 2 kuti dhe do të ndiheni të ngopur, pasi shija e saj shumë intensive bën që të mos kërkoni më ushqim derisa të vijë koha për të ngrënë drekë apo darkë.
