Rajoni i Lombardisë, më i prekuri nga koronavirusi në Itali, raportoi para pak çastesh shifrat e 24 orëve të fundit duke evidentuar se ka shkuar në 57.592 numri i të infektuarve dhe 10.511 numri i të vdekurve nga COVID-19.
Vetëm në 24 orët që lamë pas humbën jetën 273 persona, kurse u identifikuan edhe 1.544 shtetas të infektuar.
Në spitale gjenden 12.026 persona, ndër të cilët 1.174 në terapi intensive, raporton noa.al.
Raportohet se janë shëruar gjithsej 16.823 persona, ndërsa bëhet e ditur se janë bërë gjithsej 196.302 tamponë për të evidentuar të infektuarit.
