Sezoni futbollistik në Angli duhet të rinisë, vetëm në rast se të gjithë futbollistët i nënshtrohen testeve ndaj COVID-19.
Ky është propozimi i kreut të Shoqatës së Trajnerëve në Premier League, Richard Bevan. Por duke qenë se për rifillimin e kampionatit nuk ka ende një datë zyrtare, ai shprehet për “BBC Sport”, se momentalisht është më e rëndësishme kryerja e testeve për qytetarët dhe mjekët.
Gjatë kësaj jave, Liga e Futbollit Anglez, u ka dërguar nga një letër klubeve ku u sugjeron për mbylljen e kampionatit brenda muajve të verës. Kjo ka shkaktuar dhe reagimin e Shoqatës së Futbollit të cilët shprehen me tone kritike ndaj këtij sugjerimi.
Përveç klubeve të futbollit, në konsideratë duhet të merren edhe mendimet e shoqatës së trajnerëve dhe të gjyqtarëve.
