Para pak ditësh Thomas Muller rinovoi kontratën e tij me Bayern Munich, deri në vitin 2023. Por arritja deri këtu nuk ka qenë një e lehtë për 30-vjeçarin, i cili deri pak muajsh ishte pranë largimit nga gjigandët bavarezë.
Këtë e ka pranuar vetë lojtari në një intervistë të dhënë për faqen zyrtare të klubit bavarez pas firmës në kontratë.
“Në vjeshtë isha jashtë formacionit titullar në gjashtë ndeshje radhazi”, ka thënë Muller duke iu referuar periudhës kur trajner ishte Kovac. “Ka qenë e vështirë dhe natyrisht më ka bërë të mendoj për të ardhmen në këtë klub”.
“Me ndryshimin në stol dhe një stil të ndryshëm loje, gjithçka ka shkuar mirë. Jo vetëm që kam luajtur më shumë, por kam arritur të shënoj në ndeshje të ndryshme”.
Në fakt, Muller ka shënuar 10 gola në këtë sezon, 8 prej të cilëve me trajnerin e ri.
