Autoritetet në Kinë raportojnë një rritje të lehtë të numrit të personave të rinj të prekur nga koronavirusi në 24 orët e fundit, pjesa më e madhe e të cilëve janë raste të importuara dhe asimptomatikë.
Komisioni Kombëtar i Shëndetësisë bën me dije se 46 persona u diagnostikuan së fundmi me koronavirus, 42 prej të cilëve ishin udhëtarë nga jashtë, pas hapjes së kufijve
Në deklaratën për shtyp komisioni shton se pjesa më e madhe e personave të prekur nga virusi vdekjeprurës ishin asimptomatikë.
Aktualisht numri i personave të infektuar në Kinë ka shkuar në 81 953, ndërsa viktimat 3339.
Situata më problematike raportohet në provincën Heilogjiang, ku u raportuan raste të reja me Covid-19 dhe të gjithë janë shtetas kinezë që hyjnë nga Rusia.
Në këtë provincë vetëm ditën e fundit hynë 22 persona të infektuar nga fqinji rus
