Një aksident i rëndë është regjistruar mesditën e sotme në Gjilan të Kosovës.
Një 26 vjeçar ka ndërruar jetë, pasi motorri që ai po drejtonte u përplas me një makinë.
I aksidentuari u dërgua me urgjencë në spital por fatkeqësisht mbërriti pa shenja jete. Viktima është shtetasi Debatik Huruglica.
Ndërkohë që policia ka shoqëruar në komisariat drejtuesin e automjetit.
“Ekziston dyshimi i bazuar se, i dyshuari M.H., ka rrezikuar trafikun publik, në atë mënyrë që duke drejtuar automjetin e markës ‘Opel Corsa’, për shkak të kthimit të pasigurt, ka goditur motoçikletën e markës ‘Honda’, të cilën e drejtonte i ndjeri D.H., nga Gjilani, duke i shkaktuar lëndime me pasoja fatale, me ç’rast dërgohet në Emergjencën e Spitalit Regjional në Gjilan, pa shenja jete” thuhet në këtë komunikatën e prokurorisë së Gjilanit..
