Një adoleshent në Uiskonsin, SHBA, ka ekzekutuar prindërit e të dashurës së tij pas një grindjeje me ta në lidhje me distancimin social për shkak të koronavirusit.
Khari Sanford dhe Alajxha Lary, akuzohen për vrasjen e doktoreshës Beth Poter, 52 vjeçe dhe të burrit të saj, Robin Karr, 57 vjeç, të cilët u gjendën të dy të vrarë me nga një plumb pas koke.
CBS raporton se Sanfordi frekuentonte vajzën e birësuar të çiftit, Miriam Poter Karr dhe kohët e fundit, çiftin e ri e kishin dëbuar nga shtëpia e familjes për shkak se nuk po ndiqnin rregullat e distancimit social.
Kjo duket se e ka indinjuar djalin 18-vjeçar, duke e nxitur atë drejt aktit makabër.
