Djali i ish-deputetit socialist Florenc Llanaj, i cili ndodhet pas hekurave ka shfaqur shenja të sëmundjes së koronavirusit, por ende nuk i është bërë testi.
Gjykata e Posaçme dha urdhrin që të testohet nëse është i infektuar me Covid-19, por avokati i tij Arbër Hoxha konfirmoi se nuk është kryer ende.
Për Report TV, Hoxha u shpreh se një i burgosur me këtë sëmundje është bombë me sahat. Ndërsa ndryshimet në kodin penal i sheh si të duhurat, por për masën e dënimit me 15 vite burg thotë se është një dënim i lartë dhe i tepruar.
Florenc Llanaj, djali i ish-deputetit socialist Astrit Llanaj mbante detyrën e zëvendës drejtorit të spitalit Sarandë prej disa muajsh.
Vitin e kaluar, nga operacioni i Forcave të Ndërhyrjes së Shpejtë dhe Strukturave Speciale Operacionale në Sarandë u vunë në pranga 9 persona, mes tyre edhe Florenc Llanaj, pjesë e një grupi të struktural kriminal që merrej me trafik ndërkombëtar droge.
