Nëse keni probleme me bankat për shtyrjen e kredive, Banka e Shqipërisë ka vënë në dispozicion një kanal ankesash në faqen e vet.
Lajmin e ka bërë të ditur kryeministri Edi Rama përmes një postimi në rrjetet sociale.
Për shkak të izolimit nga situata e krijuar prej koronavirusit, qeveria vendosi urdhërin për shtyrjen tremujore të detyrimeve nga kreditë.
Kreu i qeverisë ka postuart dhe udhëzimn e BSh-së, për qytetarët dhe bizneset për riskedulimin e kësteve të kredisë me subjektet kredimarrëse.
“Në vijim të njoftimeve të mëparshme, Banka e Shqipërisë rithekson se qytetarët dhe bizneset, gjendja financiare e të cilëve është ndikuar negativisht nga situata e krijuar nga Covid-19 dhe njëkohësisht janë klientë kredimarrës në banka ose subjekte financiare jobanka, kanë mundësi të aplikojnë për procesin e riskedulimit të kësteve të kredisë pranë këtyre subjekteve.
Fillimisht ju nevojitet të aplikoni për shtyrje të afatit të kësteve të kredisë duke shpjeguar vështirësitë financiare si pasojë e situatës së krijuar, tek secila nga banka/subjekte ku keni kredinë.” thuhet në udhëzimin e BSH-së.
