Kriza ekonomike që ka prekur shqiptarë nuk ka kursyer as festimet e Kurban Bajramit.
Sipas riteve çdo familje myslimane bën kurban një kafshe si shenje treguese e dashurisë për zotin.
Por tregtarët thonë se këtë vit, numri i personave që e kanë patur të pamundur të blejnë kafshën për kurban ka qenë më i madh.
Zanafilla e Kurban Bajramit lidhet me profetin Ibrahim, i cili u urdhërua nga Zoti ne formën e një sprove te flijonte djalin e tij Ismailin. E ndërsa profeti po zbatonte urdhrin, atij iu dha një dash për ta flijuar ne vend te djalit. Qe prej asaj kohe ne përkujtim te kësaj sakrifice dhe shenje treguese e dashurisë për Zotin, kush ka mundësi në këtë ditë, bën kurban.
Sipas riteve një pjese e mishit të kurbanit u dhurohet të varfërve. Në familjet myslimane Kurban Bajrami shoqërohet me gatime të veçanta dhe vizita mes të afërmeve.
