Duke parë situatën e rëndë që ka krijuar coronavirusi në Itali, prej kohësh Serie A është pezulluar dhe ende nuk dihet nëse do të fillojë aktiviteti normal apo gjithçka do të anulohet.
Kështu titulli i Serie A është bërë objekt diskutimi edhe në parlamentin Italian.
Sipas asaj që referon Corriere dello Sport, senatorët Casini dhe Fedeli i kanë kërkuar ministrit të Sportit, Vincenzo Spadafora që, duke konsideruar se “disa federata sportive kanë vendosur të pezullojnë fillimisht dhe më pas të quajnë të mbyllur kampionatet në disiplinat e ndryshme, duke mos dorëzuar tituj, nuk duket zgjidhje e mirë që të jepet titulli për skuadrën që ndodhet në krye të renditjes, nëse kjo e fundit do të mbetet kështu”.
