Balerina e klubeve të natës, Kristiana Ibro, është arrestuar sërish pasditen e së dielës nga ana e forcave të Policisë së Tiranës, pasi ka thyer vendimin e gjykatës, e cila kishte vendosur “arrest në shtëpi”.
Kristina 18-vjeçare, e cila njihet me pseudonimin “Saxobeat”, u arrestua disa ditë më parë, pasi një biznesmen e akuzoi adoleshenten se i ka vjedhur një telefon Iphone në shtëpinë e tij. Gjykata e Tiranës vendosi ndaj kërcimtares masën e sigurisë “arrest në shtëpi” deri në përfundim të hetimeve. Por, duket se balerina nuk arrin të qëndrojë larg jetës së natës. Mbrëmjen e së dielës ajo ka thyer urdhërin e gjykatës dhe ka dalë nga shtëpia. Vajza e re është e njohur jo vetëm për jetën e saj virtuale në “Instagram”, por edhe për format fizike, të cilat bien në sy. Këto të dhëna fizike duket se e bëjnë objektiv lehtësisht të dallueshëm edhe për forcat e policisë, të cilat e kanë pikasur në zonën e ish-Bllokut në Tiranë dhe e kanë ndaluar menjëherë.
Kristiana “Saxobeat”, pavarësisht moshës së re, është shumë aktive në jetën rozë të kryeqytetit. Ajo njihet si ish- e dashura e reperit Noizy, me të cilin tashmë është në një “luftë të hapur” në rrjetet sociale. Po ashtu, emri i saj u përfshi edhe si lidhje e një prej personave të përfshirë një konflikt të armatosur në zonën e njohur si “Lulishte 1 Maji”, në Tiranë.
Sa për akuzën e “Vjedhjes” së telefonit të biznesmenit 41-vjeçar, Kristiana ka një version të sajin. Sipas balerinës së “pub-eve”, biznesmeni ia ka dhuruar vetë telefonin, pasi ajo qëndroi një natë në shtëpinë e tij. Nga ana e tij, biznesmeni nuk ka dhënë asnjë version se përse balerina gjendej në shtëpinë e tij, por është mjaftuar me faktin se “Saxobeat” i ka vjedhur telefonin.
Pas arrestimit të së dielës, Kristiana do të dalë sërish para gjykatës, por tashmë me akuzën e re, atë të “largimit nga vendi i qëndrimit” që ka caktuar gjykata.
