Mbretëria e Bashkuar ka njoftuar 936 vdekje të tjera nga koronavirusi sot, duke e çuar numrin e përgjithshëm të vdekjeve në 7,095, duke shënuar një rekord tjetër ditor.
Shërbimi Kombëtar Shëndetësor në Angli tha se 828 njerëz vdiqën sot në spitale midis moshave 22 deri në 103 vjeç. Skocia, ku janë konfirmuar 77 vdekje të tjera, gjithashtu diagnostikoi me koronavirus 336 persona, në 24 orët e fundit, në Uells 284 të infektuar dhe 33 viktima, ndërsa pesë vdekje të tjera u regjistruan në Irlandën Veriore, informon dritare.net
Numri i përgjithshëm i njerëzve që kanë testuar pozitivisht për virusin në të gjithë Mbretërinë e Bashkuar është më shumë se 55,000, por shkalla e vërtetë e shpërthimit është e panjohur.
