Nëse për futbollin, UEFA ka vendosur veton dhe kërkon me çdo kusht mbylljen e sezonit, në NBA-in amerikan janë të hapur edhe për hipotezën e anulimit të edicionit, pa shpallur asnjë kampion.
Kampionati i basketbollit është mbyllur prej 11 marsit, ndërsa komisioneri Adam Silver njoftoi se vendimi përfundimtar do të merret të paktën gjatë muajit maj. Të gjitha alternativat janë në tryezë: shkurtimi i ndeshjeve, kalimi direkt në fazën “play off”, vijimi i kalendarit të plotë, por edhe anulimi i sezonit.
Vetëm për duelet e fazës “play off” nevojiten dy muaj kohë, ndërsa edhe sezoni 2021-2022, i parashikuar të niste në muajin tetor, mund të shtyhet prej pezullimit aktual.
