Futbolli shqiptar është një nga më të varfrit në Europë në kushtet normale, ndërsa tani që ekonominë e sportit e ka goditur dhe coronavirusi, situata është përkeqësuar.
Disa ditë më parë qeveria e Republikës së Shqipërisë, nuk pranoi që të fuste sportin në paketën financiare të ndihmës për të zbutur kështu impaktin që ka pasur përhapja e coronavirusit.
Në këto kushte, Sindikata e Futbollistëve Shqiptarë ka menduar të japë një ndihmë. SFSH ka nisur aksionin për t’u ardhur në ndihmë lojtarëve në nevojë, futbollistë të cilët nuk paguhen prej muajsh dhe që gjenden me shumicë duke nisur nga Flamurtari i Superligës e deri te skuadrat e provincave në ligat e ulëta.
