Kreu i Partisë Konservatore, njëherësh deputeti i Kuvendit të Shqipërisë, Kujtim Gjuzi përgënjeshtron zërat që qarkullojnë se mund të jetë prekur nga koronavirusi.
Në një video të regjistruar në makinën e tij dhe të postuar më pas në rrjet, deputeti tregon sekretin pse nuk preket nga COVID-19 duke treguar se me çfarë ushqehet.
“Kush mashtron dhe thotë që Kujtim Gjuzi është me koronavirus do përballet me drejtësinë kur ajo të funksionojë. Unë dhuroj gjak nuk kam bërë kurrë një injeksion jo më të më zëjë koronavirusi. Unë mbrohem me: në mëngjes 1 kg kos me mjaltë, cokollatë me arra dhe lajthi që mbron gjithë organizmin, në drekë përdor gjysëm kg domate, po ashtu pasdite përdor shegë, djath, meqënëse jam shëndoshur pak po përdor djathin e dhisë Konsultohem me këshilltarin tim androlog dhe obstetër Fadil Mustafa, kam edhe psikologë që rrinë pranë stafit të Partisë Konservatore. Ne do jemi në cdo skaj për të ndihmuar qytetarët kudo që janë”,– tha Gjuzi.
