Danimarka do të lirojë disa nga kufizimet e saj në lidhje me koronavirusin e ri, njoftoi sot kryeministrja, Mette Frederiksen.
“Çerdhet dhe kopshtet do të rihapen dhe nxënësit deri në klasën e gjashtë do të mund të rikthehen në shkollë duke filluar nga 15 prilli”, tha Frederiksen, i cila e quajti njoftimin “faza e parë e kujdesshme e hapjes”.
“Sidoqoftë, danezët duhet të përgatiten ende për faktin se do t’u duhet të jetojnë me kufizime për muajt e ardhshëm për shkak të pandemisë së koronavirusit”, shtoi ajo.
Danimarka ishte një nga vendet e para në Europë që mori masa të rrepta për të ndaluar përhapjen e koronavirusit, duke përfshirë ndalimin e tubimeve të më shumë se 10 personave, mbylljen e dyqaneve jo thelbësore dhe mbylljen e kufijve të saj për të huajt.
Që nga e hëna, autoritetet daneze kanë numëruar rreth 4 700 raste infektimi, me gati 200 persona të vdekur nga COVID-19.
