“Mund të mos jemi përgjegjës ne për situatën në të cilën gjendemi, por do të jemi nëse nuk bëjmë asgjë për ta ndryshuar”.
Ky është citati i Martin Luther King që është postuar nga Kryeministri Edi Rama në rrjetet sociale, në një kohë që sot pritet që Qeveria të miratojë masat e reja shtrënguese, që parashikojnë edhe burg ndaj personave të pabindur, sikundër i quan Rama.
Në tre ditët e fundit numri i të infektuarve me Covid 19 është rritur ndjeshëm, ndërsa pritet që e njëjta situatë të vijojë edhe këtë javë.
