Ndërsa votimet për zgjedhjen e kreut të bashkisë Peshkopi janë drejt mbylljes, Partia Demokratike ka denoncuar sërish Partinë Socialiste për blerje votash. Kjo, bazuar në disa foto të publikuara, ku votues të PS-së kanë fotografuar fletën e votimit.
Në fletë duket i shënjuar kuadrati ku votohet për kandidatin e ASE, Muharrem Rama. Por sipas PD, votuesi u kap duke fotografuar votën, dhe ajo më pas është shpallur e pavlefshme duke i hequr kryq.
Partia Demokratike thotë se 3 votues të PS kanë fotografuar votën e tyre në Qendrën e Votimit 1136 në Dobrovë.
“Gjon Cen Mehmeti ishte votues i PS, ai po fotografonte votën në QV 1136, Dobrovë. Po kështu Donika Goleci dhe Agim Hoxha kanë fotografuar votën po në këtë Qendër Votimi”, thuhet në denoncimin e PD.
