Dy persona nga Elbasani janë vënë në pranga nga policia pasi në bashkëpunim me njëri- tjetrin kanë tentuar të vjedhin në dyqanin ushqimor në pronësi të shtetasit Sh. A.
Personat e arrestuar janë shtetasit R.N., 24 vjeç dhe E. B., 29 vjeç.
Këta shtetas dyshohet se janë autorë edhe të 3 vjedhjeve të tjera të ndodhura, konkretisht:
- Më datë 03.04.2020, dyshohet se kanë vjedhur 7000 lekë në lokalin në pronësi të shtetasit E. K.;
- Më datë 02.02.2020, dyshohet se kanë tentuar të vjedhin në dyqanin në pronësi të shtetasit Ç. L.;
- Më datë 08.02.2020, dyshohet se kanë vjedhur 5000 lekë në kioskën në pronësi të shtetasit R.M.;
Gjithashtu gjatë kontrollit të ushtruar nga shërbimet e Policisë në banesën e shtetasit R. N., u gjet 58.5 gr kanabis.
Gjithashtu blutë e Elbasanit kanë arrestuar dhe një person të shpallur në kërkim.
Në pranga është vënë shtetasi T.Q., 23 vjeç, banues në Elbasan.
Këtë shtetas Gjykata e Shkallës së Parë Elbasan e ka dënuar me 3 muaj burg, për veprën penale “Dhuna në familje”.
Materialet hetimore i kaluan Prokurorisë pranë Gjykatës së Shkallës së Parë Elbasan, për veprimet e mëtejshme.
