Sekretari i Përgjithshëm i Partisë Demokratike, Gazment Bardhi ka replikuar me kryeminstrin Edi Rama, pas sulmeve të këtij të fundit ndaj opozitës.
Në reagimin e tij Bardhi thekson se Rama është një njeri I vjetëruar në ide, ndërsa shton se shqiptarët në këto momente kanë nevojë për ndihmë dhe jo për sajesa dhe videomontazhe.
Ja postimi i Bardhit:
Pa ide, i vjetëruar dhe i papërgatitur Edi Rama përpiqet të heqë vëmendjen nga dështimet e tij, me sajesa, sulme banale dhe së fundmi edhe me videomontazhe për të sulmuar opozitën. Edi Rama bën mirë të marrë menjëherë propozimet e opozitës për t’u ardhur në ndihmë qytetarëve dhe bizneseve, me para në dorë. Ata janë sot në hall dhe nuk kanë marrë asnjë qindarkë nga shteti, sepse Edi Rama e ka mendjen të bëjë videomontazhe kundër opozitës dhe jo të ndihmojë njerëzit.
Shqiptarët kanë nevojë për mbështetje shëndetësore dhe ekonomike, dhe jo për sajesa, gjuhë të shfrenuar dhe fjalë boshe.
Çdo ditë e humbur sot kushton jetë!
