Nga Erges Eskiu
Ata të shohin në sy, çuditshëm, të ngrirë, nuk lëvizin, as qepallat e syve nuk lëvizin. Ata po mpihen. Unë i shoh i habitur, ndjej keqardhje… Ata jane bërë të pandjeshëm…më shpejt se tek ty, me shpejt se tek mua.
S’kamja i ka zhveshur ata nga emocionet, i ka zhveshur nga mendimet, po u err sytë, po i zhyt ne errësirë. Ajo ka tronditur rëndë psikikën e tyre.
Qytetarët kanë nevojë për para, të pinë ujë, të hanë bukë! Kanë nevojë të ngrohen dhe kanë nevojë për siguri për të sotmen, për të nesërmen.
Qeveria e ka për detyrë ta bëj!
Qeveria ka për detyrë t’i ndihmoj!
Situata po bëhet e frikshme.
Nuk ekzagjeroj aspak, por vetëm 200m larg qendrës së Beratit, Njerëzit kanë filluar, që tani të duken si të vdekur, që ecin.
Me gjasë, ata do fillojnë “të hanë” njëri-tjetrin nëse qeveria nuk reflekton, të lërë mënjanë sulmet politike, të marr planin e opozitës e ta vendosë në zbatim.
Pasiguria e çdo qytetari eshtet në rritje.
Me gjasë nesër do të rinisin vjedhjet, grabitjet dhe vrasjet. Nëse kjo ndodhë, faji nuk është i qytetarëve, që i kthehen instikteve kafshërore, por është përgjegjësi drejtpërdrejt e shtetit, që i lë në mëshirë të fatit!
Qendro në shtëpi, por shteti duhet të të garantoj minimumin jetik! Uria po kërcënon frikshëm shoqerinë shqiptare!
