Dy gra janë marrë në ndjekje penale nga policia e Tiranës pasi kanë shfrytëzuar fëmijët e tyre të vegjël për qëllime lypësie.
Policia tha se shtetaset M.M e B.S, 29 e 28 vjeçe, banuese në Tiranë, u shoqëruan në ambientet e komisariatit të policisë nr.3 në kryeqytet, pasi dyshohet se në bulevardin “Gjergj Fishta”, kanë nxjerrë për të lypur fëmijët e tyre.
Pas marrjes së deklarimeve të tyre, policia dërgoi materialet në Prokurorinë e Tiranës me akuzën e shfrytëzimit të të miturve për qëllime lypësie.
