Cristiano Ronaldo ka fituar çmimin “Më i miri i të gjitha kohëve” të organizuar nga Marca.
Ndjekësit e gazetës spanjolle sportive votuan legjendat e ndryshme të futbollit përmes sondazheve në sfidat me nokaut dhe zgjodhën yllin e Juventusit si futbollistin më të mirë të të gjitha kohëve.
Portugezi fitoi çmimin “GOAT” pasi mposhti Leo Messin, në finalen mes dy fenomenëve që kanë dominuar futbollin botëror në vitet e fundit. Kampioni i Juventusit mposhti edhe rivalë të tjerë si Maldini, Zidane dhe Maradona.
Në finale portugezi mori 54 për të votave: 246 mijë në total. Messi, nga ana tjetër, ndaloi në shifrën 46 për qidn, duke mbledhur 209 mijë vota.
Në gjysmëfinale, ylli i Juventusit kishte eliminuar Maradonën (59 për qind kundër 41 për qind), ndërsa Messi mundi Ronaldo (brazilianin) me 52 për qind të votave.
