Lëvizja Socialiste për Integrim ka ashpërsuar gjuhën ndaj kryebashkiakut Erion Veliaj.
Grupi i këshilltarëve të LSI-së në Këshillin bashkiak të Tiranës u duke diskutuar lidhur me problematikën e trafikut në sheshin “Skënderbej” pas punimeve nga ana e Bashkisë, i ka kërkuar Bashkisë së Tiranës që të marrë masa të menjëhershme për lehtësimin e trafikut dhe të punohet për hapjen sa më parë të Unazës së Vogël të Tiranës.
“Unaza e Vogël e Tiranës është një zgjidhje jo afatgjatë. Të ketë transparencë mbi fazat e projektit. Bllokimi i qarkullimit në Sheshin “Nënë Tereza”, tek stadiumi “Qemal Stafa” dhe bllokimi i qendrës kanë krijuar një situatë është alarmante e cila kërkon zgjidhje urgjente për të siguruar lëvizjen e qytetarëve. Qytetarët janë të painformuar mbi projektin. Hapja e sezonit të shkollës rëndon më shumë situatën. Në mbledhje e Këshillit Bashkiak do të kërkohet informacion për situatën e krijuar”, thuhet në letrën e këshilltarëve të LSI-së në Bashkinë e Tiranës drejtuar kryebashkiakut Veliaj dhe kreut të këshillit, Dalipi.
