Kryeministri Edi Rama vijon të postojë në rrjetet sociale fjalë të shenjta. Mëngjesin e sotëm Rama e ka nisur me nj citat të Papa Franceskut.
“Nuk është koha për gjykimin Tuaj, por koha e gjykimit për të gjithë ne, koha për të zgjedhur se çfarë ka vlerë dhe çfarë kalon, për të ndarë çfarë është e rëndësishme e çfarë jo”, janë fjalët e Papa Franceskut që janë postuar në rrjet nga Edi Rama.
Kryeministri nisi postimet e fjalëve të shenjta, apo citateve nga njerëz të shquar, pas tërmetit të 26 nëntorit 2019 që shkaktoi 51 viktima dhe disa qindra të plagosur. Të njëjtën gjë Rama po bën edhe tani, në kohën e pandemisë së Covid 19, që në Shqipëri ka shkaktuar 15 viktima.
