Pre e propagandës së Edi Ramës ka rënë dhe kryediplomati italian Luigi Di Maio. Lajmi se 30 mjekë dhe infermierë shqiptarë shkuan me mision në Itali për të ndihmuar në luftën kundër koronavirusit u pompua tej mase nga makineria e propagandës qeveritare. Postime dhe deklarata me tepri në rrjetet sociale, media vendase e të huaja, aq sa në rrjet Edi Ramës iu dha titulli: “mbreti i ShowBizit”.
Eurofia qeveritare për një gjest më shumë simbolik se sa një ndihmë për Italinë, pasoi mashtrimin. Mediat, italiane dhe shqiptare zbuluan se disa nga të dërguarit me mision në Itali për të luftuar me COVID-19, nuk kishin certifikatë kualifikimi.
Boja doli edhe më teksa u raportua se një prej anëtarëve të ekipit të “mjekëve dhe infermierëve” (siç u prezantuan nga kryeministri Rama e Ministrja e linjës Manastirliu), deri para disa ditëve, vijonte të punonte si pompist në një pikë karburanti në Vorë.
Linjës propagandistike që gjoja stafi mjekësor ka shkuar të shpëtojë Italinë nga COVID-19, i shkoi pas edhe kryediplomati italian, ndoshta pre e mashtrimit të Ramës e të vetëve, ndoshta i detyruar ti përmbahej kortezisë.
Një ditë më parë, në një mesazh për një emision televiziv, Di Maio do të shprehej mes të tjerash:
“Unë besoj se … fjalët e Kryeministrit Rama përfaqësojnë atë vlerë europiane të solidaritetit, që ndoshta disa e kanë harruar…”
Kështu pra, edhe njëherë doli huq mashtrimi pas propagandës së Ramës, i cili e shiti pompistin për virtuoz të mjekësisë. Ndërkohë, si një klloun cirku, Di Maio e duartrokiti…
