Në ditën e ditëlindjes së 34-të të Sergio Ramos, “El Mundo Deportivo” ka publikuar një artikull mbi mbrojtësin, duke shpjeguar detajet e rinovimit të vështirë me Real Madrid nga kapiteni.
Politika e “merengues” është e qartë: për futbollistët mbi moshën 32 vjeç rinovimet do të vlerësohen vit pas viti. Ramos, kontrata e të cilit skadon në 2021, kërkon të paktën 2 vite kontratë, pra deri në 2023.
Për momentin Reali nuk është dakord. Ramos fiton 12 mln euro në sezon dhe nuk do të pranonte ulje rroge por përkundrazi ai mendon se meriton më shumë.
Kujtojmë që një situatë e ngjashme ndodhi edhe mes Ronaldos dhe klubit madrilen, ku portugezi kërkonte rritjen e rrogës por duke parë moshën e madhe të lojtarit, Real Madrid nuk ishte e gatshme t’’i plotësonte kushtet financiare, çka rezultoi me largimin e Ronaldos.
