Ylli i serialeve turke dhe ish- Miss Turqia Amine Gulse dhe futbollisti Mesut Ozil janl bërë prindër për herë të parë.
Lajmin e ka bërë të ditur vetë aktorja nëpërmjet një postimi në Instagram.
Ajo ka publikuar një foto familjare dhe zbulon se ajo ka sjellë në jetë një vajzë, të cilës i kanë vendosur emrin Eda.
“Faleminderit Zot! Vajza jonë Eda erdhi në jetë e shëndetshme”, shkruan aktorja në përshkrimin e fotos.
Çifti i dha fund beqarisë në një dasmë pranë detit në muajin qershor dhe çdo gjë e mbajtën të fshehtë. Të njëjtën gjë bënë edhe me shtatzëninë.
Ata e ruajtën sekret deri në ditën e fundit dhe të gjithë u habitëm nga lajmi i bukur.
