Peshkopi i Valjevës i Kishës Ortodokse Serbe (KOS), 71-vjeçari Milutin, ka vdekur nga koronavirusi i ri (COVID-19) në Qendrën Klinike Spitalore “Dragisha Mishoviç” në Beograd. Numri i të vdekurve në Serbi sot ka arritur në 14 veta.
“Me pikëllim dhe besim të madh në ringjalljen në Mbretërinë Qiellore, informojmë publikun se mbrëmë ka vdekur ati ynë i dashur shpirtëror, Peshkopi Milutin i Valjevës, në Spitalin Klinik “Dragisha Mishoviç” në Beograd, pas një sëmundje të shkurtër të shkaktuar nga koronavirusi”, thuhet në kumtesën e publikuar në ueb-faqen e Peshkopisë së Valvjevës.
Sipas të dhënave të fundit, në Serbi janë regjistruar 741 raste me COVID-19.
