Një ngjarje e rëndë raportohet të ketë ndodhur në Vlorë, ku familjarët denoncojnë mjekët e spitalit për neglizhencë, që çoi në humbjen e jetës së një foshnjeje.
Sipas denoncimit, një grua që sapo ishte kthyer në Shqipëri nga Italia, ka shkuar në spital për tu vizituar lidhur me shtatzaninë. Në denoncim thuhet se një prej mjekëve i ka thënë që gjithç…ka shkon mirë, por disa orë më pas, gruaja është futur në sallën e operimit, pasi fëmijës nuk i dëgjoheshin të rrahurat e zemrës. Në denoncim thuhet se lindja ka ndodhur në orën 08:30 të mëngjesit, ndërkohë që foshnja e lindur e pajetë është varrosur në orën 12:00.
Familjarët akuzojnë mjekët për neglizhencë, duke pretenduar se ecuria e shtatzanisë ka qenë normale dhe këtë e tregojnë edhe analizat. në kushte të tilla, ato kërkojnë hetimin e rastit nga Prokuroria, me pretendimin se variantet që i kanë dhënë mjekët nuk janë të besueshme.
