Dy raste të reja në Korçë dhe një në Fier me COVID-19 u konfimruan ditën e sotme nga autoritetet shëndetësore, ndërkohë që janë zbardhur dhe detaje për këto raste me koronavirus.
Në Korçë bëhet fjalë për një çift bashkëshortësh rreth moshës 70 vjeç. Mësohet se aktualisht gruaja ndodhet në gjendje të stabilizuar në banesën e saj, ndërsa bashkëshorti është shtruar në spitalin Infektiv, pasi gjendja e tij paraqitet më e renduar.
Çifti i të moshuarve ka deklaruar se nuk kanë patur kontakte me 12 rastet e para apo histori udhëtimi, por mësohet se ata janë komshinj të çiftit të tre rasteve të para me koronavirus në qytetin juglindor.
Pritet që në ditët në vijim të kryen teste edhe për familjaret e çiftit.
Në Fier mësohet se është infektuar me koronavirus burri i një nënpunëseje të Drejtorisë Arsimore Fier.
