Policia greke ka arrestuar një djalë dhe një vajzë shqiptare të cilët janë bërë protagonistë ditën e sotme në Greqi, teksa kanë shkaktuar një aksident të rëndë dhe madje kanë kundërshtuar edhe forcat e Policisë.
Sipas mediave greke, ngjarja ka ndodhur në zonën turistike të Kosit. Mediat greke shkruajnë se bëhet fjalë për një 34-vjeçar dhe një 28¬ vjeçare shqiptare. Të dy ishin të dehur dhe drejtuesi nuk kishte as patentë në momentin që ndodhi aksidenti. Ai ka hyrë keq kundërvajtje dhe ka përplasur dy persona, një turist gjerman 49-vjeçar dhe një kamerier grek 28 vjeç.
Me të mbërritur Policia ata kanë kundërshtuar edhe forcat e rendit. Pas shumë përpjekjesh ata janë arrestuar. Më pas, u zbulua se shqiptari ishte dënuar më parë për trafik droge në Greqi.
