Mbrëmjen e djeshme ishte parashikuar të luhej ndeshja miqësore mes Anglisë dhe Italisë por pas situatës së coronavirusit, ashtu siç do aktivitet tjetër sportive edhe kjo ndeshje u anulua.
Megjithatë Federata Angleze e Futbollit ka dhënë një mesazh për t’u përshëndetur, pasi ka ngjyrosur stadiumin mitik “Wembley” me tringjyrëshin e flamurit Italian, ndërsa në ekranin gjigant u shpalos edhe një mesazh ku thuhej: “Jemi të ndarë, por jemi bashkë. Forca Itali”.
Mesazhi ka bërë xhiron e botës shumë shpejt, ndërsa edhe kreu i Federatës Italiane të Futbollit nuk ka ngurruar të falënderojë homologët e tij anglezë, duke u shprehur se futbolli e dha mesazhin e tij bashkues përsëri.
https://twitter.com/England/status/1243619718176653312
