Paulo Dybala është infektuar me koronavirus dhe po e kalon dalëngadalë. Në të njëjtën situatë ndodhet edhe e fejuara e tij, por tani janë më mirë dhe kanë një gjendje të stabilizuar shëndetësore.
Argjentinasi i Juventusit tregon simptomat e përjetuara në një lidhje me “skype” nga shtëpia e tij.
“Kisha simptoma të forta, por sot ndihem më mirë, si unë dhe Oriana. Ndjeja dhimbje të mëdha të muskujve, tani lëviz më mirë, eci dhe po përpiqem për t’u stërvitur. Në ditët e fundit më mungonte ajri, nuk arrija të mbushesha me frymë”. – ka thënë Dybala ndër të tjera.
