Është përkeqësuar gjendja shëndetësore e deputetit Adriatik Alimadhi mbrëmjen e sotme. Alimadhi është infektuar nga Covid 19 dhe ka qenë i izoluar në shtëpi, por për shkak të përkeqësimit të shëndetit ai është dërguar me urgjencë në spitalin infektiv.
Alimadhi e bëri të ditur gjendjen e tij ditën e sotme me anë të një statusi në facebook, ku pohoi se ishte infektuar me COVID-19, duke akuzuar mjekët për neglizhencë, pasi kishte dalë me koronavirus që më datë 24 mars dhe askush nuk ishte interesuar më për të.
