Mbrojtësi legjendar i Real Madrid, Roberto Carlos, njihet për karrierën e tij të pasur futbollistike, ndërsa ka fituar gjithçka me “Los Blancos”.
Së fundmi ish-ylli brazilian, ka folur për “Fox Sports Radio” rreth patriotit të tij Neymar, për të cilin nuk i kursen lëvdatat ndërsa ka dhe këshilla.
E ardhmja e Neymar pritet të jetë një ndër temat më të nxehta gjatë merkatos së ardhshme, ndërsa kërkohet me ngulm nga skuadra e Barcelonës. Por, Roberto Carlos, bën deklaron se e ardhmja e tij duhet të jetë me Real Madridin pasi ai është klubi i cili do ti garantonte lojtarit suksesin.
“Ka vite që do të doja ta shihja Neymar te Real Madrid, por jeta nuk shkon gjithmonë ashtu siç dëshiron. Futbollistët më të mirë në botë duhet të luajnë në klubët më të mira dhe Reali është klubi më i mirë që ekziston. Neymar dëshiron të fitojë Champions League? Duhet të shkojë te Reali”, deklaron braziliani i famshëm.
