Tre shqiptarë në Firence pasi i kanë vjedhur çantën një prostitute janë rrahur keq nga tre persona të tjerë.
Mediat italiane shkruajnë se ngjarja ka ndodhur ditën e djeshme në orët e vona të natës. Policia u njoftua për një sherr masiv në rrugën “Luderi” të Firences.
Kur shkoi në vendngjarje gjeti tre shqiptarë të me plagë. Sipas dëshmive, shqiptarët i kishin marrë me dhunë çantën një prostitute në të cilën kishte perzervativë dhe dokumentet identifikuese të saj, raporton panorama.
Prostituta më pas kishte thirrur për ndihmë dhe tre shqiptarët janë konfliktuar me tre persona të tjerë të paidentifikuar që i kanë rrahur keqas.
Policia e gjeti çantën në makinën me të cilën udhëtonin shqiptarët. Tashmë një hetim ka nisur për identifikimin dhe kapjen e tre personave të tjerë, ndërsa procedimi penal për shqiptarët ka nisur.
