Vazhdon situata dramatike në Spanjë. Në 24 orët e fundit autoritetet konfirmuan se 769 persona kanë humbur jetën nga COVID-19, duke e çuar në 4858 numrin e viktimave gjithësej nga koronavirusi.
Ndërkohë që janë konfirmuar mbi 4500 raste të reja në ditën e fundit, duke e çuar numrin total të të infektuarve në vend në mbi 64000.
Prej tyre, mbi 4100 janë në terapi intensive, ndërsa mbi 9000 janë shëruar, sipas të dhënave të fundit të Ministrisë së Shëndetësisë.
Qeveria pritet të mblidhet këtë të premte për të vendosur mbi shtyrjen e gjendjes së jashtëzakonshme deri në 11 prill, një përpjekje për të frenuar përshkallëzimin e mëtejshëm të situatës, ndërsa propozimi i kryeministrit Pedro Sanchez për një plan të tipit “Marshall” për vendet e prekura në Europë, ka hasur kundërshtimin e Gjermanisë dhe Holandës, raportojnë mediat spanjolle.
