Pavioni i ortopedisë në spitalin e Lezhës është mbyllur, pasi një paciente ka rezultuar pozitive ndaj koronavirusit.
Ajo ishte operuar pak ditë më parë dhe kishte pasur temperaturë. Simptomat nuk kanë qenë të dukshme fillimisht, por me kalimin e ditëve i është shtuar temperatura dhe mjekët i kane bërë tamponin ku ka rezultuar pozitive.
Stafi mjekësor dhe ai sanitar janë vendosur në karantinë dhe u janë marrë tamponët. Ata janë në pritje të rezultateve.
Dy ditë më parë një infermiere 54-vjeçare ka rezultuar pozitive. Menjëherë u morën masa për të izoluar edhe kolegët e saj nga frika e infektimit.
Po ashtu qendra shëndetësore u mbyll dhe u dezinfektua. Në Lezhë janë edhe 4 persona të prekur nga COVID-19, dhe rasti i fundit e çon në 5 numrin e tyre.
