Një grua e moshuar është transportuar drejt spitalit Infektiv në Tiranë pasi dyshohet se është prekur nga Covid 19.
Ky është pacienti i parë që ka mbërritur sot në Infektiv, atje ku janë shtruar 57 pacientë që po marrin ndihmë mjekësore, dy prej të cilëve ndodhen në terapi intensive.
Ndërkohë nga Lezha raportohen dyshimet për dy persona, personel mjekësor, që tashmë janë izoluar në mjediset e spitalit Rajonal, pasi shfaqën simptoma të koronavirusit.
Dy personat e dyshuar si të infektuar me Covid 19 janë pjesë e personelit mjekësor të Lezhës.
